ብዛዕባና

S.U.C.C.E.S.S. ብ1973 ብተበግሶ ዘለዎም ጉጅለ ወለንተኛ ስደተኛታት ንካናዳ ኣበርክቶ ክገብሩ ዝደልዩ ዝተመስረተ ኮይኑ ካፍቶም ዓበይቲ ማሕበራዊ ኣገልግሎት ወሃብቲ ትካላት ናይታ ሃገር ሓደ ኮይኑ ኣሎ። ኣብዚ ሕዚ እዋን፡ ኣብ ናይ ካናዳ ጉዕዞኦም ናይ ኹሎም ሰባት ዋንነት፣ ድሕንነትን ናጽነትን ዘስፋሕፍሑ ሰፋሕቲ መደባትን ኣገልግሎታትን ነቕርብ። ኢ-ስታርት ቅድሚ ምምጸኦም መደብ ስራሕ ብኢንተርነት ንስደተኛታት (E-Start)፡ ብኢሚግሬሽን ስደተኛታትን ዜግነትን ካናዳ(IRCC) ዝምወል ናይ S.U.C.C.E.S.S. ቅድሚ ምምጻእ ፈተነ ፕሮጀክት እዩ። ኢ-ስታርት(E-Start) ካብ መላእ ዓለም ንዝመጹ ስደተኛታት ኦንላይን ብኢንተርነት ናይ ትምህርቲ ሞዱላት ይድግፍ። ጉጅለ ኢ-ስታርት( E-Start) ንስደተኛታት፡ ኣብ ካናዳ ናይ መጀመርያ ስራሕ ኣብ ምርካብ ዝሕግዝ ናይ ስራሕ-ተኮር ሓበሬታ ይህብ። ኢ-ስታርት(E-Start) ምስ ኣይ.ኦ.ኤም(IOM), ኣይ.ኤስ.ኤ.ኤን.ኤስ.(ISANS)ን ካልኦት ናይ ሰፈራ ኣገልግሎት ዝህቡ ፍሉጣት ትካላትን ብምምኽኻር እቶም ሞዱላት ኣዳልዩ። ዕላማ ኢ-ስታርት(E-Start) ስደተኛታት ቅድሚ ናብ ካናዳ ምብጽሖም ዘድልዮም ምስ ስራሕ ዝተኣሳሰር ሓበሬታታት ምቕራብ እዩ። መደብ ኢ-ስታርት(E-Start) ነቶም ናብ ካናዳ ንክመጹ ዝተፈቕደሎምን ናይ ፍሉይ መለለዪ ተገልጋሊ ቁጽሪ (UCI ) ዘለዎምን ስደተኛታት ዝምልከት እዩ።